Breitt belte med perlenett

Nydeleg gammalt belte med perlenett med gjentakande rapportar av kvite, gule og grøne romber med små andreaskors i midten, totalt ni rapportar og to halve i endane. Lite blått kors i midten av rombene. Perlenettet er montert på raudt ullstoff. Beltet er kanta med klassiske, svarte fløyelsband med lilla og grønt mønster, samt ein smal gullknipling – eller band – på langsidene. Endane på beltet er avslutta med eit to cm breitt, vove metallband, såkalla galon. Beltet er lukka med tre hektepar, har fôr av blåmønstra bomullsstoff og er sjølvsagt montert for hand. Det måler 8 x 69 cm. Beltet har lege i ei kiste saman med m.a. det grøne livet i fløyel/plysj frå førre blogginnlegg, og kan ha vore brukt i lag med dette eller eit anna kort overliv.

English summary: Historic Beaded Belt

• Features a detailed beaded net (perlenett) with nine full repeating patterns and two half-repeats at the ends. The design consists of white, yellow, and green diamonds containing small St. Andrew’s crosses, with a small blue cross at the center of each diamond.

• Mounted on red wool fabric. It is edged along the long sides with classic black velvet ribbon featuring a purple and green pattern, alongside a narrow gold lace/trim.

• The short ends are finished with a 2 cm wide woven metallic ribbon (galon). The belt fastens with three pairs of hooks and eyes, is lined with blue-patterned cotton, and is completely hand-assembled.

• Found preserved in a chest alongside a green velvet/plush bodice (liv), suggesting it was originally worn together with that piece or another short bodice.

Grønt overliv av fløyel/plysj

 

Eldre type handsydd, kort overliv med breie skuldrar, av grøn fløyel/plysj. Dei rette sidesaumane er trekte litt bakover. Overlivet er kanta med 14 mm breie, brunraude/gule band langs ermhola, halsen og framme. Innanfor banda er det merke etter 2,5 cm breie band, i tillegg til tilsvarande merke på skuldrane og ryggen – dette kan ha vore vovne sølvband, såkalla galonar. Det manglar 8–9 cm av «bandet» under armane, noko som var typisk for dei gamle overliva. Det kan ha vore valk nede. Fôr av blått/ubleikt ikatfarga bomullsstoff. Seks par snøreringar. Legg merke til den nesten runde halsringinga. Overlivet har nok i si tid vore brukt til stor høgtid.

Mål: 

Vidde liv: 80 cm 

Høgde rygg: 32,5 cm

Breidde rygg: 32/36 cm

Høgde framme: 22 cm  

Høgde side: 14 cm

Breidde skulder: 12 cm

English summary

An older, short bodice in green velvet with broad shoulders, straight back-set side seams, and a round neckline. Features six pairs of lacing rings and lacks 8–9 cm of trim under the arms - a hallmark of older styles. A waist roll (valk) may have been attached at the bottom.

Edged with 14 mm brown-red and yellow bands at the armholes, neckline, and front. Shadow markings show broader 2.5 cm silver gallon braid trim was originally present on the inner edges, shoulders, and back. Interlined with blue and unbleached ikat cotton. Its rich materials indicate it was reserved for major celebrations.

Bringeklut med blått perlemotiv

Om bringekluten

Bringekluten har eit flott perlebroderi på raudt ullstoff (sydd over papp) med blå, kvite og store, gyldne perler. Motivet er romber (eller ruter på kant) som dannar store andreaskors, og med små kors i kvar rute. Det raude feltet er ramma inn av blå sikksakklinjer i stråperler og kvite, trekantforma perlelisser.

Detaljar og montering:

• Øvst: Ein svart fløyelskvarde med blomermønster.

• Midtfelt: Grønt ullstoff.

• Sidefelt: Blåmønstra, trykt bomull.

• Bakstykke: Mørk, rutevove ullflanell.

• Saum: Montert med symaskin.

Liknande motiv finst også på andre bringeklutar, noko som tyder på at dette mønsteret var på moten i ein periode rundt år 1900 eller noko før.

Historikk

Bringekluten kjem frå Høviskeland eller Håland, og har tilhøyrd anten Anna Malene Høviskeland eller mor hennar, Ingeborg Malene Henriksdtr. Håland (1846–1915).

Mål

• Svart fløyelskvarde: 2,5 cm

• Raudt ullstoff: 14,5 × 9 cm

• Grønt ullfelt: 14,5 × 12 cm

• Total breidd: 26 cm

• Total høgd: 30 cm

English summary:

This beaded chest panel (bringeklut) from Høviskeland or Håland belonged either to Anna Malene Høviskeland or her mother, Ingeborg Malene Henriksdtr. Håland (1846–1915). Its pattern—diamonds forming large St. Andrew's crosses with smaller crosses inside—was likely popular around 1900 or slightly earlier.

The beadwork uses blue, white, and large golden beads on red wool over a cardboard base, framed by blue zigzag bugle beads and white beaded lace. Machine-assembled, the piece features a top trim of black floral velvet, a green wool middle section, blue-patterned printed cotton side panels, and a dark plaid wool flannel backing.

Grønt vadmålsliv - sein draktskikk

  

Dette overlivet i grønt vadmål er kanta med 2,2 cm breie, svarte fløyelsband med rosemønster – unnateke 5 cm under armane og 4 cm midt framme, der det er svart fløyel. Framme og rundt halsen er det ei raud- og kvitrutete skoning på 6,5 × 20,5 cm. Ein fin detalj er ein 9 × 7 cm stor bit med grønt vadmål som forsterking på vranga midt framme.

Sidesaumane er dregne bakover slik at ryggen blir svært smal, noko som var typisk for moten i den siste delen av folkedraktperioden. Side- og skuldersaumane er maskinsydde, medan resten er utført med handsaum. Overlivet vert lukka med to par hekter/maljer i livet.

Overlivet kjem frå Høviskeland eller Håland og har tilhøyrd Ingeborg Haaland (f. 1908). Livet har òg vore i bruk av mor hennar, Anna Malene (1876–1965), etter at ho gifta seg med Johannes Høviskeland i 1899. Det kan henda livet òg har vore brukt av mormora, Ingeborg Malene Henriksdtr. Håland (1846–1915), men overlivet ho har på seg på biletet i førre innlegg, er kanta med kvite perlelisser. Snittet ber preg av å vera frå 1880 eller 1890-talet.

Mål:

• Ryggbreidde i livet: 6 cm

• Høgde midt framme: 29 cm

• Høgde rygg: 37 cm

• Breidde skulder: 10 cm

• Høgde i side: 18 cm

• Vidde i livet: 66 cm

English summary:

This green homespun wool (vadmål) bodice features a very narrow back—a style typical of 1890s folk dress fashion—achieved by pulling the side seams backward. It is trimmed with rose-patterned black velvet ribbons and plain velvet accents, reinforced inside with a wool patch, and lined around the front and neck with red-and-white checkered fabric. The side and shoulder seams are machine-stitched, while the remaining details are hand-sewn, and it closes at the waist with two sets of hooks and eyes.

Originating from Høviskeland or Håland, the garment belonged to Ingeborg Haaland (b. 1908) and was previously worn by her mother, Anna Malene (1876–1965), following her marriage in 1899. Although it may have also belonged to her grandmother, Ingeborg Malene (1846–1915), the overall cut most strongly aligns with the 1890s.

Stor bringeklut med stråperler.

 

Stor bringeklut med stråperler på raudt ullstoff. Kvite, blå og gyldne stråperler samt store, gyldne perler dannar eit stort Andreaskors omkransa av fire åttebladstjerner, med eit halvt Andreaskross nedst.

To raude, smale felt på sidene – kan desse vera ettermonterte saman med eit nytt bakstykke? Øvst kan det også ha vore ei sikksakk-rad med stråperler. Det er pappinnlegg under perlefeltet. Kvarde av svart fløyelsband med rosemønster. Sidefelt i stripevove, lyseblå/blå/beige bomull. Bakstykke i stripe- og rutevove, tynt ullstoff. Bringekluten er i hovudsak montert med maskinsaum.

Mål

• Raudt felt: 17,5 × 20 cm

• Smale raude felt: 4 × 22 cm

• Kvarde (breidde): 2,5 cm

• Breidde øvst: 30 cm

• Breidde nedst: 28 cm

• Høgde: 33 cm

Er det denne bringekluten Ingeborg Malene Henriksdtr. Håland (1846–1915) har på seg? Det er i alle fall ein liknande bringeklut med stråperler. Ho vart gift i 1865 med Anders Jensson Nesse (1839–1921) (Drange b. 1 1986: 373). Ei dotter var Anna Malene (1876–1965), g. 1899 m. Johannes Høviskeland. Bringekluten er teken vare på av dottera til Anna, Ingeborg Håland (f. 1908), og dottera hennar, Reidun Myklebust, som har lånt meg både bringekluten og fotoet til registrering.

Ingeborg Malene har på seg stor Tysneshuve, silkesjal i halsen, klutatrøye, overliv truleg kanta med fløyelsband med rosemønster og kvite perlelisser, bringeklut med stråperler, vove mørkt forkle og eit – uvanleg for 1880–1890-åra – breitt perla belte med geometrisk mønster: ruter på kant og Andreaskors fletta i kvarandre.

English summary

This document details a historic Norwegian beaded chest piece (bringeklut) featuring white, blue, and golden bugle beads and large golden beads on red wool fabric. The central motif showcases a large St. Andrew’s cross framed by four eight-petal roses and a bottom half-cross. Backed with cardboard, the piece includes narrow side panels, a floral velvet neckband (kvarde), striped cotton side trims, and a thin wool backing assembled primarily by machine sewing.The item was preserved through four generations of the family of Ingeborg Malene Henriksdtr. Håland (1846–1915). She appears in a historical portrait wearing a remarkably similar bugle-beaded bringeklut alongside traditional Tysnes attire, including a large coif (Tysneshuve), jacket, silk neckerchief, and a notably wide beaded beltThis document details a historic Norwegian beaded chest piece (bringeklut) featuring white, blue, and golden bugle beads and large golden beads on red wool fabric. The central motif showcases a large St. Andrew’s cross framed by four eight-petal roses and a bottom half-cross. Backed with cardboard, the piece includes narrow side panels, a floral velvet neckband (kvarde), striped cotton side trims, and a thin wool backing assembled primarily by machine sewing.

Utstilling, foredrag og bringeklut med perlenett!

 

Litt reklame for foredraget mitt laurdag 1. august kl. 14, på koselege Årbakka Handelsstad på Tysnes, der eg m.a. vil fortelja om utvikling og samanhengar i drakthistorie frå vikingtid til folkedrakt. Her blir det også ei miniutstilling knytt til dei tre bøkene mine som eg presenterer. Er du interessert i drakthistorie eller i å laga historiske plagg sjølv, kom og høyr og sjå! Bøkene er også til sals på Årbakka Handelsstad. Gratis inngang.

Dette er ein av bringeklutane som vil bli stilt ut, saman med mini vikingdrakter og dokker i små folkedrakter. Bringekluten har ei bord av perlenett med rombemønster i dei typiske perlefargane kvitt, oker og grønt, forma som eit Ave Verum monogram. Perlenettet er montert over raudt stoff, truleg peau de pêche. Det er blå silkekvarde øvst på bringekluten, med sølvknipling over og eit gullband nedanfor perlenettet. Nedst er det eit grønt ullstoff som er festa med lintråd over ein ulltråd, slik som på det raude stoffet (leggsaum). Dette er ein syteknikk som er kjend tilbake til 1000-talet. Det er også eit mønstra, raudt ullstoff under det grøne. Fôret er av brunstripete bomulls-/linstoff, som også er bretta 5 cm opp på framsida (kan vera gjort sekundært). Den spennande bringekluten skal vera frå Uggdal, men historikken elles er ukjend. Tilsvarande bringeklutar kan ein også finna i Valdres. Ut frå form og teknikk ser ein at dette er ein eldre bringeklut, brukt saman med eit kort overliv. 

Mål:

Perlenett: 14 x 6 cm
Silkekvarde: 18 x 2,5 cm
Breidde knipling og gullband: 2 cm
Totalt mål: 25 x 17 cm

Gammalt overliv med fine detaljar

 

Overliv i damask av ull/bomull, glansa og med stormønstra, lyse bladornament. Døme på yngre damask, både i kypert- og satengbinding. Livet er kanta med 2,5 cm breie mønstervovne silkeband med flotterande mønster langs ermehol (unnateke 7 cm under armen, som er kanta med bomullsstoff), hals, framme og over skuldersaumar som er trekte bakover. Eit smalt stykke av stoffet på 2–3 cm er felt inn i kvar side, det same på fôret av ubleika linlerret i venstre side. Livet er lukka med eitt par hekter og har fire par ringar (diameter 1,5 cm) til snøring. Alt er sauma for hand. Det er registrert fleire liknande overliv frå Tysnes. Fyrste kjende eigar var fødd i 1858 og gift i 1890, men snitt og stoff i det korte overlivet er prega av draktskikken før 1860- og 70-åra.

Mål:

Høgde midt bak: 29,5 cm

Høgde framme: 25 cm

Breidde skulder: 11 cm

Breidde rygg: 36 cm

Vidde liv: 78 cm

Grøn knappetrøye

 

Denne trøya skal vera brukt av mora, eventuelt bestemora, til ein informant som var fødd i 1917. Denne familien var dyktig med handarbeid. Trøya er utan fôr og delvis sydd på maskin,  saumane er kasta over for hand. Det grøne toskafts ullstoffet kan verka heimevove.

Ermene er dekorerte med broderi i blått og grønt på raudt ullstoff (som liknar vev), i tillegg til ei kvit perlerad. Trøya har brun fløyel i halsen med blårutete skoning. Framme er det ni knappar og knapphol, med skoning under av ulikt rutete stoff. Det er også skoning av blomstrete stoff under ermelista.  Ein kan vel seia at dette er ei trøye på veg mot moteplagg, jamfør knapping og wienersnitt (viser dessverre ikkje på foto). Likevel har ho mykje folkedraktpreg i stoff og dekor.

Mål:

• Lengde midt bak: 42                                             

• Ryggbreidde (liv): 32 cm

• Ermelengde: 58 cm

• Skulderbreidde: 12,5 cm

Stor og liten beslekta bringeklut med perlenett

Staseleg bringeklut med lite perlenett av okergule, kvite og grøne perler, montert på raudt ullstoff. Motivet er ruter på kant inni kvarandre. Brei gullknipling med fire vifter er montert øvst på det raude stoffet og delvis over ein kvarde av fløyelsband med rosemønster. Smale band med sikksakkmønster ved sida av kvarden. Eit stripete kypertvove band øvst på baksida. Gule sidefelt i linstoff. Alt er montert rett på eit baksidestoff av ubleika linstoff i lerretsbinding. Smal fald på båe sider av bakstykket, jare nedst, og alt er sydd for hand.

Mål:

Breidde gullknipling: 4 cm

Breidde og høgde perlenett: 10 cm

Breidde raudt felt: 17,5 cm

Breidde gule sidefelt: 3,8 cm (4,2 cm nedst)

Total breidde: 28 cm

Total høgde: 23 cm

Liten bringeklut med perlenett av gule, kvite og grøne perler, montert på raudt stoff, truleg peau de pêche. Motivet er eit lite Ave Verum-monogram. Brei kvarde av mønstra silke, kan henda gjenbruk av eit sjal? Smal grøn kant av fløyel bak kvarden. Gule felt i tynt linstoff i lerretsbinding. Alt er montert på eit dobbelt baksidestoff av ubleika bomullslerret, med smale faldar på baksida.

Frå Gjersheim på Hamarhaug, som høyrde til Tysnes kommune fram til 1907. Jamfør likskapen med den store bringekluten som er frå Nedrevåge på Onarheim, ikkje lange sjøvegen frå Hamarhaug. Kan henda er det same person som har laga båe bringeklutane?

Mål:

Breidde silkekvarde: 4,2 cm

Breidde perlenett: 9 cm

Høgde perlenett: 6,5 cm

Breidde raudt felt: 11 cm

Breidde gule sidefelt: 2 cm

Total breidde: 20–21 cm

Total høgde: 14 cm

To beslekta bringeklutar

       

Bringeklut med perlebord: Borda er sydd på stramei, samt tettare teljestoff nedst, og måler 14,5 x 5,5 cm. Leggjesaum/krossaum i raudt ullgarn dannar bakgrunn for perledekor; ruter på kant/Andreaskors og åttebladroser (med blå sting under perlene). Gjennomskinlege, blå og raude perler. Rader med perler og sting. Bomullsstoff med trykt mønster både i sidefelt og bakstykke. Kvarde av 2,2 cm breitt svart fløyelsband med rosemønster. Midtfelt av svart fløyel 14 x 13. Ytre mål er 26 x 26 cm.

   

Bringeklut med brodert bord som er sydd på stramei med klostersaum i raudt, blått, grønt, lilla, burgunder, rosa og svart ullgarn og måler 14,5 x 6,5 cm. Motiv er ruter på kant/greske krossar, som ei krunerand. Rader med klostersaum (små ruter på kant) og attersting. Kvit perlelisse nedst. Kvarde av 2,5 cm breitt svart fløyelsband med rosemønster. Rutevovne sidefelt, trykt, stort mønster nedst. Bakstykke av ubleika kypertvove bomullsstoff. Svart midtfelt i fløyel 15 x 15 cm. Ytre mål: 27 x 32 cm.

Bringeklutane stammar frå same familie på Reksteren. Dei har tilhøyrt enten Gjertrud Marie Haukafær (1878–1968) eller hennar eldre søster, Ragnhild Sofie Johannesdtr. Øvra-Haukafær (1867–1897). Mor deira var Sisilia Larsdotter Aase (1835–1904). Gjertrud si dotter var Ingrid Borgen (f. 1916), som er mor til Grethe J. Hjertaker. Det er Grethe som har teke vare på bringeklutane, stor takk til henne for gåva av plagga.

Bringeklutane kan likna på kvarandre, men har likevel kvart sitt særpreg: Begge har kvarde av svart fløyelsband med blomemønster. Den eine har ei brodert bord med perler og leggjesaum/krossaum, den andre har ei bord i klostersaum og ei perlelisse nedanfor borda. Begge har eit midtfelt av svart fløyel, og det same stormønstra stoffet nedst.

Føredrag - bokpresentasjon og pop-up utstilling

 

Neste laurdag, 27. juni kl 12, inviterer Galleri Banken i Ølve (i Kvinnherad) til føredrag! Her blir det både presentasjon og smakebitar frå mine tre bøker, som alle handlar om historiske drakter i ulike format. I tillegg kan du oppleve ei lita, unik utstilling med tema knytt til bøkene – mellom anna med vakre bringeklutar. Det er berre å gle seg!

To historiske plagg frå same familie

   

Her er to spennande plagg som har tilhøyrd Ragnhild Sofie Johannesdtr. Øvra-Haukafær (1867–1897), eller eventuelt mor hennar, Sisilia Larsdotter Aase (1835–1909). Stor takk til gjevar av plagga Grethe J. Hjertaker.

Sjølv om dei to plagga kjem frå same familie og i prinsippet kunne vore brukt saman, verkar overlivet å vera noko mindre i storleiken enn klutatrøya.

Klutatrøye i rosa-raudt bomullsstoff

Trøya er sydd i eit bomullsstoff med trykt mønster: små kvite motiv mot ein botn med raudt greinmønster. Ho har ein særs smal rygg, som berre måler 7 cm i breidda i livet bak.

Flotte detaljar og konstruksjon:

• Hals og krage: Halslista måler 1,5 x 38 cm og er av same stoff, kanta med to lag hekla kvite og grøne blonder. Knapphol i kvar ende av kragen, truleg til å festa ei sølje i halsen.

• Erme: Ermetoppen har 2,5 cm rynker som startar 3 cm framfor skuldersaumen. Ermet er lagt i legg mot ein mansjett på 2,7 x 21cm med ein 6 cm splitt i saumen. Mansjettane har også blonder.

• Innsnitt: Det er eit innsnitt på1,5 x15 cm på kvar side framme.

• Sying og fôring: Trøya er maskinsydd med blå og mørk sytråd. Ho er heilfôra med bomullslerret og vert lukka med 8 knappar framme og på mansjettane.

Mål på klutatrøya:

• Høgde rygg: 40,5 cm

• Vidde liv: 80 cm

• Høgde framme: 35 cm

• Høgde side: 17,5 og 19 cm

• Skulderbreidde: 12 og 13 cm

• Lengde erme: 62 / 55 cm

• Vidde erme: 23 cm

Det grøne overlivet

Det grøne overlivet i tettvove tynt ullstoff har same snitt i ryggen (ca. 9 cm) og er truleg på alder med klutatrøya. Saumen er fint utført både med maskin og for hand.

Flotte detaljar og konstruksjon:

• Kanting og perler: Overlivet er kanta med 2 cm breie, svarte fløyelsband med rosemønster, og kvite perlelisser på innsida. Unntaket er ca. 5 cm under armane og 5 cm midt framme. Merk kor fint perlelissene er avslutta på desse punkta! Smal lerretskant 0,8 cm i livet.

• Snippar og fôr: Snippane er spisse og måler 5 cm i breidda. Overlivet er fôra med kypertvove, beige bomullsstoff, der 1 cm av fôrstoffet viser som ein kant på framsida.

• Lukking: Lukka med to par hekter/maljer, i tillegg til tre par ringar med diameter 12 mm.

Mål på overlivet:

• Høgde rygg: 38 cm

• Høgde framme: 33 cm

• Høgde side: 20 og 21 cm

• Skulderbreidde: 11 cm

• Vidde liv: ca. 72 cm

• Vidde arm 23 cm

              

Stormønstra overliv i ulldamask

Dette handsydde overlivet har eit eldre snitt med brei rygg, der sidesaumane er dregne 3–4 cm bakover. Det lakseraude stoffet – truleg ein ulldamask – har eit vakkert mønster av store, lyse blad og blomar. Overlivet er kanta med eit 2 cm breitt fløyelsband med rosemønster, i tillegg til ein 1 cm brei gullknipling langs armhola (unnateke 6-8 cm nedst), halsen, framsida og over skuldrene. Framme finn ein merke etter 6 eller 8 hekter eller ringar.

Plagget ber preg av å ha vore tilpassa over tid: Det er skøytt på 6 cm nedst av det same stoffet, i tillegg til to felt med raudt ullstoff midt framme, kanta med blått stoff. Overlivet er fôra med linlerret, men heilt nedst er det brukt ei remse med kypertvove bomullsstoff. Det er svært truleg at plagget har vorte skøytt på i ettertid, etter kvart som det vart motesak med lengre overliv. Det er verdt å merka seg at stoffet i dette overlivet kan minna mykje om stoffet i ein rekonstruert kvinnebunad frå Nord-Trøndelag.

Mål:

Høgde midt bak: 35 cm

Ryggbreidde: 26/34 cm

Skulderbreidde: 13 cm

Høgde i sida: 16 cm

Høgde langs kanten framme: 26 cm

Ein uvanleg bringeklut!

 

Denne bringekluten er brodert på eit teljestoff i bomullskvalitet. Leggjesaum og korssting i blått ullgarn dannar bakgrunnen. Gjennomskinlege perler dannar eit motiv som liknar eit tre eller kanskje ein tulipan? Bokstavane BR AD er brodert med perler, D står for dotter. Bringekluten er ikkje ferdig montert, både bakstykke og bord oppe manglar. Broderte initialer ser ein helst på dei eldste bringeklutane. Evt kan det vera snakk om ei ettermontering. Uansett er dette ein uvanleg bringeklut!

Broderiet måler ca. 14 x 14 cm og bringekluten er 18 cm høg og 23 cm brei. 

Bringeklut i friske fargar

Det broderte feltet måler 6,5 x 16 cm og er sydd med leggjesam og korssting  på ein strameiliknande botn. Motivet lyser opp med blått ullgarn i botnen og blome- og bladmotiv i raudt, oransje, gult, grønt og blått. Det er noko slitasje enkelte stader der botnstoffet tittar fram gjennom broderiet. Bokstavane «AMKDØ» er broderte i ein rosa tone, og broderiet er ramma inn med ulike metallband både over og under.

Øvst finn me eit raudt toskafts ullstoff, og det er uvisst om det opphavleg kan ha vore ein annan kvarde over dette igjen. Både midtfeltet, sidefelta og baksida består av eit mønstra stoff med sjarmerande prikkar, stjerner og ruter. Bringekluten måler totalt 25 cm i breidda og 27 cm i høgda.

Gjennom tidene har tekstilteknikkar stilisert plantar og blomar på ulikt vis. Før i tida skulle ein helst ikkje gjenskapa naturen direkte – ein skulle trass alt ikkje konkurrera med Guds skaparverk. Mot slutten av 1800-talet snudde derimot motebiletet, og det naturalistiske vart idealet på kva som var «ekte». Denne brytningstida har sett tydelege spor etter seg, også i motiva på bringeklutar som denne.