Dette nydelege overlivet i glansa ulldamask frå 1849 skal vera del av ei bruredrakt frå Onarheim, innkjøpt av Bergen Museum i 1885. Kort overliv i eldre snitt med brei rygg og rette skuldrar. Det er handsydd, svært forseggjort og overlivet er sydd av heile stoffstykke. Fôr av kvitt linlerret. Grøne silkekvaringar langs armhol, hals, framme og på skuldrene. Framme er det merke etter snøremaljer. Høgde på rygg er berre 36 cm, men livet er uvanleg stort (vidt) og kan gjerne tilsvara dagens str 40-42.
Ingen kommentarer:
Legg inn en kommentar