Overliv i damask av ull/bomull, glansa og med stormønstra, lyse bladornament. Døme på yngre damask, både i kypert- og satengbinding. Livet er kanta med 2,5 cm breie mønstervovne silkeband med flotterande mønster langs ermehol (unnateke 7 cm under armen, som er kanta med bomullsstoff), hals, framme og over skuldersaumar som er trekte bakover. Eit smalt stykke av stoffet på 2–3 cm er felt inn i kvar side, det same på fôret av ubleika linlerret i venstre side. Livet er lukka med eitt par hekter og har fire par ringar (diameter 1,5 cm) til snøring. Alt er sauma for hand. Det er registrert fleire liknande overliv frå Tysnes. Fyrste kjende eigar var fødd i 1858 og gift i 1890, men snitt og stoff i det korte overlivet er prega av draktskikken før 1860- og 70-åra.
Mål:
Høgde midt bak: 29,5 cm
Høgde framme: 25 cm
Breidde skulder: 11 cm
Breidde rygg: 36 cm
Vidde liv: 78 cm
Ingen kommentarer:
Legg inn en kommentar