Eit lite raudt overliv. Fôr av ubleika linlerret og ullstoff er sydd saman med maskin i sidene og på skuldrene, saumar er delte men ikkje kasta over. Overlivet er skøytt på 4,5 cm nede framme. Vidde rundt livet er 64 cm, høgde midt bak 37 cm, ryggbreidde i livet er 9 cm og skulderbreidde er 10 cm. Kvara med to cm brei, svart fløyel med kvit perlerad innanfor. Ein del perler er falle av eller fjerna på høgre framstykke. Det manglar tre cm fløyel og perler under ermane, dette er erstatta med eit smalt band. Overlivet er lukka med fire par hekter/maljer. Merke etter krokar i livet til å hekta stakken på.
Ingen kommentarer:
Legg inn en kommentar