Liten bringeklut i friske fargar

 

Denne vesle bringekluten har dekor av leggjesaum og korssting på stramei. Åttebladrosa i midten er omkransa av ruter på kant. Ei rad med raude greske kors nedst, som i åttebladrosa. Det er brodert med raudt, grønt, kvitt, lilla og gult ullgarn. Raud silke øvst, truleg har det vore ein knipling her også. Gullknipling nedanfor broderiet, med eit rosa bomullsstoff under øvst på det svarte feltet av ullstoff. Bringekluten er montert for hand med småmønstra sidefelt i bomullsstoff og eit blått felt nedst. Dette er igjen montert på eit bakstykke av kypertvove lyst stoff. Monteringa er forseggjord med m.a. kvite kantar øvst og nedst. Bringekluten er frå Uggdal, fyrste kjende eigar var fødd kring 1850.

Mål:

Broderi: 10 x 6,5 cm

Raud silkekvarde: 9,5 x 2,8 cm

Svart felt: 10 x 6,5 cm

Breidde: 22 cm

Høgde: 19 cm

English Summary:

This small bringeklut (chest canvas/insert) features embroidery made with couching (leggjesaum) and cross-stitch on canvas. An eight-petal rose (åttebladrose) at the center is framed by a diamond pattern along the edges, with a row of red Greek crosses at the bottom matching the center motif. The embroidery uses red, green, white, purple, and yellow wool yarn.

Red silk is placed at the top, where a lace trim likely used to be attached. Gold lace (gullknipling) sits below the embroidery, with a pink cotton lining visible underneath the upper portion of the black wool fabric.

The piece is hand-assembled with small-patterned side panels made of cotton fabric and a blue fabric section at the bottom. The entire assembly is mounted onto a backing of light-colored, twill-woven fabric. The assembly is neatly crafted and includes white edging details at the top and bottom.

The bringeklut originates from Uggdal, and its first known owner was born around 1850.

English Summary:

To bringeklutar med klostersaum

Her er to bringeklutar med bord i klostersaum med variasjonar. Om ein studerer desse broderia nærare, ser ein at dei er svært forseggjorte.

 

Bringekluten har ullbroderi i klostersaum. Han er sydd på stramei i fargane raudt, grønt, blått og gult. Motivet er loddrette krokarender og små og store ruter på kant, med korsformer inni. Rader med attersting og små grøne og blå firkantar nedst. Øvst har det vore ein 2,5 cm høg kvarde og kan henda ein knipling der strameien viser. Svart midtfelt av fløyel. Småmønstra lyse sidefelt, desse går ein cm over på baksida. Baksidestoff av mørkt, blankt bomullsstoff. Bringekluten, som kan vera montert for hand, er frå Uggdal. Fyrste kjende eigar var fødd ca. 1865, og dette kan samsvara med at bringekluten som type kan vera frå seint på 1800-talet.

Mål:
Broderi: 14 x 6 cm
Svart felt: 15,5 x 14 cm
Breidde 26 cm
Høgde: 28 cm

 

Fint tettsauma broderi, truleg på linstoff, med tynt ullgarn, raud botnfarge. Teknikken er ein variant av klostersaum med liggjande sting. Motivet er tre blå åttebladsroser og to grøne ruter på kant med fire «bein» og åttebladsroser inni. Mellom motiva kan ein sjå loddrette krokarender. Rader med halve korssting rammar inn bordane. Små blå og grøne ruter på kant, her går klosterstinga loddrett. Øvst ei blå brodert «kroklisse» og kvarde av svart fløyelsband med rosemønster. Lyse sidefelt i bomullsstoff med trykt bladmønster. Svart fløyelsfelt med kvite perlelisser øvst. Montert med maskin, midtfeltet er sydd gjennom til baksidestoffet, som er av ubleikt, tynt lerret. Frå Årbakka eller Gjersvik.  

Mål:

Broderi: 14,5 x 6 cm

Svart felt: 14,5 x 10 cm

Breidde: 29 cm (28 cm nedst)

Høgde: 27 cm

English Summary:

Here are two chest panels (bringeklutar) featuring variations of Kloster stitch (klostersaum) borders. Upon closer inspection, the intricate workmanship and fine detail of these embroideries become truly apparent.

The bringeklut (chest insert) features wool embroidery in Kloster stitch (monasterial stitch). It is worked on canvas (stramei) in red, green, blue, and yellow. The motif consists of vertical hook ends as well as small and large diamonds set on corner, containing cross shapes inside. Rows of backstitches and small green and blue squares run along the bottom. At the top, there was previously a 2.5 cm high band (kvarde) and possibly lace where the canvas is visible. The central top section is made of black velvet. The side panels feature a light fabric with a small pattern, extending 1 cm onto the back. The backing fabric consists of a dark, glossy cotton material. The bringeklut, which may have been assembled by hand, originates from Uggdal. The earliest known owner was born around 1865, which aligns with the style/type of bringeklut dating from the late 19th century.

Fine, tightly sewn embroidery, likely on linen fabric, using thin wool yarn with a red background color. The technique is a variation of Kloster stitch (monasterial stitch) with horizontal stitches. The motif consists of three blue eight-petaled roses (eight-pointed stars) and two green diamonds set on corner with four "legs" and eight-petaled roses inside. Vertical hook ends are visible between the motifs. Rows of half cross-stitches frame the borders. Small blue and green diamonds on corner, where the Kloster stitches run vertically. At the top, a blue embroidered zigzag border ("kroklisse") and a band of black velvet ribbon with a rose pattern. Light side panels in cotton fabric with a printed leaf pattern. Black velvet section with white bead trim at the top. Machine-assembled, with the central section stitched through to the backing fabric, which is made of unbleached, thin linen canvas. From Årbakka or Gjersvik.

Overliv i raud ulldamask

 

  

Her går me litt lenger tilbake i tid enn ved dei to førre overliva. Dette overlivet er sydd av raud ulldamask, har brei rygg og rett nedkant framme. Det er kvarda med 2 cm blå silke langs halsen, framme og i høgre ermehol. I venstre ermehol er silken truleg blitt fjerna. På skuldrene er silken 2,5 cm brei. Dei 5–6 cm under ermane har ein annan blå kvalitet. Ein 2,2 cm brei gullknipling ligg innanfor den blå silken, unnateke på skuldrene og 7 cm under ermane. Fôret er av tynt, lerretsvove og ubleikt stoff, lin eller bomull, og dette er skøytt både midt bak, på eit framstykke og under ermane. Livet er lukka med eitt par messinghekter nedst i midja. Det er ikkje merke etter ringar til snøring av plagget.

Mål: 

Høgde rygg: 28,5 cm
Breidde rygg: 29 cm
Breidde skulder: 9,5 cm
Høgde side: 11 cm
Høgde framme: 23 cm
Vidde liv: 82 cm

English Summary:

This passage describes a bodice (vest) from an  older historical period than two previously mentioned examples:

Material & Cut: Made of red wool damask, featuring a wide back and a straight lower front edge.

Trim & Edging: It is bound (kvarda) with 2 cm wide blue silk along the neckline, front edges, and right armhole (the blue silk was likely removed from the left armhole). A different quality of blue fabric is used under the arms.

Lace Details: A 2.2 cm wide gold lace trim sits just inside the blue silk, except on the shoulders and under the arms.

Lining: Lined with thin, plain-weave, unbleached fabric (either linen or cotton), which is pieced together at the center back, on one front panel, and under the arms.

Fastening: Closes with a single pair of brass hooks and eyes at the bottom of the waist. There are no traces or marks of rings for lacing the garment.

Eldre og nyare overliv

 

 

Flott handsydd overliv av raudt ullstoff. Sidesaumane er trekte bakover slik at ryggen blir berre 10 cm brei nede; dette er typisk snitt for overliv mot slutten av 1800-talet. Tre cm breie grindvovne band i blått, raudt og blågrønt på svart botn. Under armane manglar 2,5 cm med band, dette var vanleg på gamle overliv. Overlivet er utan fôr, men har raudruta bomullskoning på vranga, 2,5 cm brei ved halsen og 5,5 cm framme. Saumane er fint bretta til begge sider og kasta ned med lintråd. I livet er det merke etter tre hektepar. Det er uvisst om det har vore valk eller fald nede. Alt i alt, eit typisk overliv før «nasjonalen» tok over som vanleg bunad/festdrakt.

Mål: 

Høgde rygg: 37,5 cm
Breidde rygg i livet: 10 cm
Breidde skulder: 11 cm
Høgde side: 21cm 
Høgde framme: 31 cm

     

Det andre livet er eit typisk nyare overliv med svarte fløyelsband med rosemønster og kvite perlelisser innanfor. Her er me nok over i tida då «Nasjonalen» tok over for folkedrakta, men dei tilbaketrekte sidesaumane viser også trekk frå Tysnes-liv. Livet er utan fôr, men har brunruta bomullskoning på vranga, 1,5 cm brei ved halsen og 4 cm brei framme. Sju cm mørkare raudt stoff er skøytt på nede med symaskin. På ryggen er det eit innfelt ullstoff på 8 × 7 cm. Framme er det merke etter 11 hektepar. Det er seks hekter nede for feste til stakken. Det påsette stoffstykket kan vera gjort i ettertid. Det spesielle ved dette livet er at det er hekta saman nesten opp til snippen.

Mål: (utan påsett stykke)

Høgde rygg: 42 cm 
Breidde rygg i livet: 12,5 cm
Breidde skulder: 11 cm
Høgde side: 25 cm 
Høgde framme: 36 cm

English Summary:

A fine, hand-sewn red wool bodice (overliv) featuring side seams shifted backward to a 10 cm lower back, a typical late 19th-century cut preceding the standardized national costume (nasjonalen). It is decorated with 3 cm rigid-heddle woven bands (grindvovne band) in blue, red, and blue-green on black, with 2.5 cm intentionally omitted under the arms as was common practice. Unlined with a red-checked cotton facing (skoning) on the reverse, its seams are neatly pressed open and overcast with linen thread, alongside traces of three hook-and-eye pairs at the waistline where a waist roll may have originally attached.

The second bodice is a more recent outer garment showing the transition to the "Nasjonalen" style, while its recessed side seams still reflect Tysnes tradition. The unlined bodice features black rose-patterned velvet ribbons, white beaded lace, brown-checkered cotton facing on the inside, and marks from eleven pairs of hooks and eyes down the front, along with six hooks at the bottom for attaching to the skirt. Later modifications include machine-stitched a seven-centimeter dark red extension at the bottom and an inset piece of wool fabric on the back; its most distinctive feature is that it hooks together almost all the way up to the collar.

Rapport frå Danmark

    
Denne gongen blir det ein liten rapport frå ein innhaldsrik drakttur til Danmark. Har endeleg fullført 6 modular med draktkurs i regi av Dansk Folkedragtforum. Høgt fagleg nivå og masse kjekke folk frå dei nordiske landa.

På vegen dit (Bjerringbro på Jylland) fekk eg vera med og sjå ei eksklusiv privat samling av gamle drakter, mange prega av empiremoten (ca. 1800–1820), her med to korte liv som døme.

Også eit knippe foto frå draktkurset: Den raude trøya er frå rokokkoen (ca. 1750–1780) som er blitt analysert både med tanke på saumteknikkar og mønster. Mange fine detaljar med store knapphol, taskelommer og regels på lommer, ermesplitt og bak på splitt.

  

  

På heimvegen vart det ei ekstra sløyfe innom Nordmandsdalen ved Fredensborg slott nord for København for å sjå på dei fantastiske skulpturane med folkedrakter frå Noreg (og enkelte frå Færøyane) frå 1700-talet. Der dukka tilsvarande trøyer opp på eit par skulpturar, men altså her i norsk utgåve. Og alle statuane vart grundig studerte!

   


English Summary:

Course Completion: Completed six modules of traditional costume courses organized by Dansk Folkedragtforum, highlighting high professional standards and strong Nordic camaraderie.

Private Collection Visit: Viewed an exclusive private collection of historical costumes en route, featuring early 19th-century Empire-style pieces, including short bodices.

Garment Analysis: Examined course artifacts, notably an 18th-century Rococo red jacket analyzed for construction techniques and patterns (noting large buttonholes, pocket flaps and sleeve slits.

Nordmandsdalen Excursion: Stopped at Fredensborg Palace near Copenhagen on the return journey to examine the 18th-century stone sculptures depicting Norwegian and Faroese folk costumes, noting similar Rococo jacket styles on the Norwegian figures.

Overliv i grøn ulldamask

 

Overliv i grøn ulldamask. Fôr og damaskstoff er sydde saman kvar for seg med symaskin, og deretter føygde saman med kastesting rundt ermehol, hals og framme. Sidesaumane er trekte bakover slik at ryggen blir smal. Skoning av raud- og burgundermønstra bomullsstoff rundt nakken og framme. Det er merke på damaskstoffet etter om lag 2,5 cm breie band. Lukking i livet med tre hektepar. Valk i livet (4 cm i diameter) som er sydd i same ubleikte stoff som fôret.

Dette er eit seint 1800-tals overliv (eller «øveliv» som det vart kalla), det ser ein på snitt, stoff og saum. Likevel har det element frå eldre overliv, som skoning og valk. Overlivet har lege i ei kiste saman med det breie beltet med perlenett og det grøne fløyelsoverlivet i førre blogginnlegg. Desse plagga representerer såleis ulike tidsepokar. 

Mål: 

Vidde liv: 66 cm
Høgde rygg: 38,5 cm
Breidde rygg i livet: 12,5 cm
Breidde skulder: 11,5 cm
Høgde side: 19 cm
Høgde framme: 31,5 cm

    

       

English summary:

Stitching: The lining and damask fabric were sewn separately with sewing-machine, then joined together with overcast stitches around the armholes, neckline, and front opening.

Fit: Side seams are pulled toward the back, creating a narrow rear silhouette.

Details: Features red-and-burgundy patterned cotton facing around the neck and front edge, visible markings on the damask indicating where ~2.5 cm wide trim was once attached, and a waist closure using three sets of hooks and eyes.

Tailoring & Silhouette: The side seams are intentionally pulled toward the back, giving the piece a distinct, narrow rear profile typical of period tailoring.

Stitching Technique: The main damask fabric and lining were constructed separately by machine. They were then joined together by hand using overcast stitches around the armholes, front opening, and neckline.

Finishing Details: A patterned red-and-burgundy cotton facing runs along the neck and front edge. The waist secures neatly with three sets of metal hooks and eyes.
Clues to the Past: Faint, visible markings along the damask reveal where a trim—roughly 2.5 cm wide—was once attached before being removed or worn away over time.

Breitt belte med perlenett

Nydeleg gammalt belte med perlenett med gjentakande rapportar av kvite, gule og grøne romber med små andreaskors i midten, totalt ni rapportar og to halve i endane. Lite blått kors i midten av rombene. Perlenettet er montert på raudt ullstoff. Beltet er kanta med klassiske, svarte fløyelsband med lilla og grønt mønster, samt ein smal gullknipling – eller band – på langsidene. Endane på beltet er avslutta med eit to cm breitt, vove metallband, såkalla galon. Beltet er lukka med tre hektepar, har fôr av blåmønstra bomullsstoff og er sjølvsagt montert for hand. Det måler 8 x 69 cm. Beltet har lege i ei kiste saman med m.a. det grøne livet i fløyel/plysj frå førre blogginnlegg, og kan ha vore brukt i lag med dette eller eit anna kort overliv.

English summary: Historic Beaded Belt

• Features a detailed beaded net (perlenett) with nine full repeating patterns and two half-repeats at the ends. The design consists of white, yellow, and green diamonds containing small St. Andrew’s crosses, with a small blue cross at the center of each diamond.

• Mounted on red wool fabric. It is edged along the long sides with classic black velvet ribbon featuring a purple and green pattern, alongside a narrow gold lace/trim.

• The short ends are finished with a 2 cm wide woven metallic ribbon (galon). The belt fastens with three pairs of hooks and eyes, is lined with blue-patterned cotton, and is completely hand-assembled.

• Found preserved in a chest alongside a green velvet/plush bodice (liv), suggesting it was originally worn together with that piece or another short bodice.

Grønt overliv av fløyel/plysj

 

Eldre type handsydd, kort overliv med breie skuldrar, av grøn fløyel/plysj. Dei rette sidesaumane er trekte litt bakover. Overlivet er kanta med 14 mm breie, brunraude/gule band langs ermhola, halsen og framme. Innanfor banda er det merke etter 2,5 cm breie band, i tillegg til tilsvarande merke på skuldrane og ryggen – dette kan ha vore vovne sølvband, såkalla galonar. Det manglar 8–9 cm av «bandet» under armane, noko som var typisk for dei gamle overliva. Det kan ha vore valk nede. Fôr av blått/ubleikt ikatfarga bomullsstoff. Seks par snøreringar. Legg merke til den nesten runde halsringinga. Overlivet har nok i si tid vore brukt til stor høgtid.

Mål: 

Vidde liv: 80 cm 

Høgde rygg: 32,5 cm

Breidde rygg: 32/36 cm

Høgde framme: 22 cm  

Høgde side: 14 cm

Breidde skulder: 12 cm

English summary

An older, short bodice in green velvet with broad shoulders, straight back-set side seams, and a round neckline. Features six pairs of lacing rings and lacks 8–9 cm of trim under the arms - a hallmark of older styles. A waist roll (valk) may have been attached at the bottom.

Edged with 14 mm brown-red and yellow bands at the armholes, neckline, and front. Shadow markings show broader 2.5 cm silver gallon braid trim was originally present on the inner edges, shoulders, and back. Interlined with blue and unbleached ikat cotton. Its rich materials indicate it was reserved for major celebrations.

Bringeklut med blått perlemotiv

Om bringekluten

Bringekluten har eit flott perlebroderi på raudt ullstoff (sydd over papp) med blå, kvite og store, gyldne perler. Motivet er romber (eller ruter på kant) som dannar store andreaskors, og med små kors i kvar rute. Det raude feltet er ramma inn av blå sikksakklinjer i stråperler og kvite, trekantforma perlelisser.

Detaljar og montering:

• Øvst: Ein svart fløyelskvarde med blomermønster.

• Midtfelt: Grønt ullstoff.

• Sidefelt: Blåmønstra, trykt bomull.

• Bakstykke: Mørk, rutevove ullflanell.

• Saum: Montert med symaskin.

Liknande motiv finst også på andre bringeklutar, noko som tyder på at dette mønsteret var på moten i ein periode rundt år 1900 eller noko før.

Historikk

Bringekluten kjem frå Høviskeland eller Håland, og har tilhøyrd anten Anna Malene Høviskeland eller mor hennar, Ingeborg Malene Henriksdtr. Håland (1846–1915).

Mål

Svart fløyelskvarde: 2,5 cm
Raudt ullstoff: 14,5 × 9 cm
Grønt ullfelt: 14,5 × 12 cm
Total breidd: 26 cm
Total høgd: 30 cm

English summary:

This beaded chest panel (bringeklut) from Høviskeland or Håland belonged either to Anna Malene Høviskeland or her mother, Ingeborg Malene Henriksdtr. Håland (1846–1915). Its pattern—diamonds forming large St. Andrew's crosses with smaller crosses inside—was likely popular around 1900 or slightly earlier.

The beadwork uses blue, white, and large golden beads on red wool over a cardboard base, framed by blue zigzag bugle beads and white beaded lace. Machine-assembled, the piece features a top trim of black floral velvet, a green wool middle section, blue-patterned printed cotton side panels, and a dark plaid wool flannel backing.

Grønt vadmålsliv - sein draktskikk

  

Dette overlivet i grønt vadmål er kanta med 2,2 cm breie, svarte fløyelsband med rosemønster – unnateke 5 cm under armane og 4 cm midt framme, der det er svart fløyel. Framme og rundt halsen er det ei raud- og kvitrutete skoning på 6,5 × 20,5 cm. Ein fin detalj er ein 9 × 7 cm stor bit med grønt vadmål som forsterking på vranga midt framme.

Sidesaumane er dregne bakover slik at ryggen blir svært smal, noko som var typisk for moten i den siste delen av folkedraktperioden. Side- og skuldersaumane er maskinsydde, medan resten er utført med handsaum. Overlivet vert lukka med to par hekter/maljer i livet.

Overlivet kjem frå Høviskeland eller Håland og har tilhøyrd Ingeborg Haaland (f. 1908). Livet har òg vore i bruk av mor hennar, Anna Malene (1876–1965), etter at ho gifta seg med Johannes Høviskeland i 1899. Det kan henda livet òg har vore brukt av mormora, Ingeborg Malene Henriksdtr. Håland (1846–1915), men overlivet ho har på seg på biletet i førre innlegg, er kanta med kvite perlelisser. Snittet ber preg av å vera frå 1880 eller 1890-talet.

Mål:

• Ryggbreidde i livet: 6 cm

• Høgde midt framme: 29 cm

• Høgde rygg: 37 cm

• Breidde skulder: 10 cm

• Høgde i side: 18 cm

• Vidde i livet: 66 cm

English summary:

This green homespun wool (vadmål) bodice features a very narrow back—a style typical of 1890s folk dress fashion—achieved by pulling the side seams backward. It is trimmed with rose-patterned black velvet ribbons and plain velvet accents, reinforced inside with a wool patch, and lined around the front and neck with red-and-white checkered fabric. The side and shoulder seams are machine-stitched, while the remaining details are hand-sewn, and it closes at the waist with two sets of hooks and eyes.

Originating from Høviskeland or Håland, the garment belonged to Ingeborg Haaland (b. 1908) and was previously worn by her mother, Anna Malene (1876–1965), following her marriage in 1899. Although it may have also belonged to her grandmother, Ingeborg Malene (1846–1915), the overall cut most strongly aligns with the 1890s.

Stor bringeklut med stråperler.

 

Stor bringeklut med stråperler på raudt ullstoff. Kvite, blå og gyldne stråperler samt store, gyldne perler dannar eit stort Andreaskors omkransa av fire åttebladstjerner, med eit halvt Andreaskross nedst.

To raude, smale felt på sidene – kan desse vera ettermonterte saman med eit nytt bakstykke? Øvst kan det også ha vore ei sikksakk-rad med stråperler. Det er pappinnlegg under perlefeltet. Kvarde av svart fløyelsband med rosemønster. Sidefelt i stripevove, lyseblå/blå/beige bomull. Bakstykke i stripe- og rutevove, tynt ullstoff. Bringekluten er i hovudsak montert med maskinsaum.

Mål

• Raudt felt: 17,5 × 20 cm

• Smale raude felt: 4 × 22 cm

• Kvarde (breidde): 2,5 cm

• Breidde øvst: 30 cm

• Breidde nedst: 28 cm

• Høgde: 33 cm

Er det denne bringekluten Ingeborg Malene Henriksdtr. Håland (1846–1915) har på seg? Det er i alle fall ein liknande bringeklut med stråperler. Ho vart gift i 1865 med Anders Jensson Nesse (1839–1921) (Drange b. 1 1986: 373). Ei dotter var Anna Malene (1876–1965), g. 1899 m. Johannes Høviskeland. Bringekluten er teken vare på av dottera til Anna, Ingeborg Håland (f. 1908), og dottera hennar, Reidun Myklebust, som har lånt meg både bringekluten og fotoet til registrering.

Ingeborg Malene har på seg stor Tysneshuve, silkesjal i halsen, klutatrøye, overliv truleg kanta med fløyelsband med rosemønster og kvite perlelisser, bringeklut med stråperler, vove mørkt forkle og eit – uvanleg for 1880–1890-åra – breitt perla belte med geometrisk mønster: ruter på kant og Andreaskors fletta i kvarandre.

English summary

This document details a historic Norwegian beaded chest piece (bringeklut) featuring white, blue, and golden bugle beads and large golden beads on red wool fabric. The central motif showcases a large St. Andrew’s cross framed by four eight-petal roses and a bottom half-cross. Backed with cardboard, the piece includes narrow side panels, a floral velvet neckband (kvarde), striped cotton side trims, and a thin wool backing assembled primarily by machine sewing.The item was preserved through four generations of the family of Ingeborg Malene Henriksdtr. Håland (1846–1915). She appears in a historical portrait wearing a remarkably similar bugle-beaded bringeklut alongside traditional Tysnes attire, including a large coif (Tysneshuve), jacket, silk neckerchief, and a notably wide beaded beltThis document details a historic Norwegian beaded chest piece (bringeklut) featuring white, blue, and golden bugle beads and large golden beads on red wool fabric. The central motif showcases a large St. Andrew’s cross framed by four eight-petal roses and a bottom half-cross. Backed with cardboard, the piece includes narrow side panels, a floral velvet neckband (kvarde), striped cotton side trims, and a thin wool backing assembled primarily by machine sewing.

Utstilling, foredrag og bringeklut med perlenett!

 

Litt reklame for foredraget mitt laurdag 1. august kl. 14, på koselege Årbakka Handelsstad på Tysnes, der eg m.a. vil fortelja om utvikling og samanhengar i drakthistorie frå vikingtid til folkedrakt. Her blir det også ei miniutstilling knytt til dei tre bøkene mine som eg presenterer. Er du interessert i drakthistorie eller i å laga historiske plagg sjølv, kom og høyr og sjå! Bøkene er også til sals på Årbakka Handelsstad. Gratis inngang.

Dette er ein av bringeklutane som vil bli stilt ut, saman med mini vikingdrakter og dokker i små folkedrakter. Bringekluten har ei bord av perlenett med rombemønster i dei typiske perlefargane kvitt, oker og grønt, forma som eit Ave Verum monogram. Perlenettet er montert over raudt stoff, truleg peau de pêche. Det er blå silkekvarde øvst på bringekluten, med sølvknipling over og eit gullband nedanfor perlenettet. Nedst er det eit grønt ullstoff som er festa med lintråd over ein ulltråd, slik som på det raude stoffet (leggsaum). Dette er ein syteknikk som er kjend tilbake til 1000-talet. Det er også eit mønstra, raudt ullstoff under det grøne. Fôret er av brunstripete bomulls-/linstoff, som også er bretta 5 cm opp på framsida (kan vera gjort sekundært). Den spennande bringekluten skal vera frå Uggdal, men historikken elles er ukjend. Tilsvarande bringeklutar kan ein også finna i Valdres. Ut frå form og teknikk ser ein at dette er ein eldre bringeklut, brukt saman med eit kort overliv. 

Mål:

Perlenett: 14 x 6 cm
Silkekvarde: 18 x 2,5 cm
Breidde knipling og gullband: 2 cm
Totalt mål: 25 x 17 cm

Gammalt overliv med fine detaljar

 

Overliv i damask av ull/bomull, glansa og med stormønstra, lyse bladornament. Døme på yngre damask, både i kypert- og satengbinding. Livet er kanta med 2,5 cm breie mønstervovne silkeband med flotterande mønster langs ermehol (unnateke 7 cm under armen, som er kanta med bomullsstoff), hals, framme og over skuldersaumar som er trekte bakover. Eit smalt stykke av stoffet på 2–3 cm er felt inn i kvar side, det same på fôret av ubleika linlerret i venstre side. Livet er lukka med eitt par hekter og har fire par ringar (diameter 1,5 cm) til snøring. Alt er sauma for hand. Det er registrert fleire liknande overliv frå Tysnes. Fyrste kjende eigar var fødd i 1858 og gift i 1890, men snitt og stoff i det korte overlivet er prega av draktskikken før 1860- og 70-åra.

Mål:

Høgde midt bak: 29,5 cm

Høgde framme: 25 cm

Breidde skulder: 11 cm

Breidde rygg: 36 cm

Vidde liv: 78 cm

Grøn knappetrøye

 

Denne trøya skal vera brukt av mora, eventuelt bestemora, til ein informant som var fødd i 1917. Denne familien var dyktig med handarbeid. Trøya er utan fôr og delvis sydd på maskin,  saumane er kasta over for hand. Det grøne toskafts ullstoffet kan verka heimevove.

Ermene er dekorerte med broderi i blått og grønt på raudt ullstoff (som liknar vev), i tillegg til ei kvit perlerad. Trøya har brun fløyel i halsen med blårutete skoning. Framme er det ni knappar og knapphol, med skoning under av ulikt rutete stoff. Det er også skoning av blomstrete stoff under ermelista.  Ein kan vel seia at dette er ei trøye på veg mot moteplagg, jamfør knapping og wienersnitt (viser dessverre ikkje på foto). Likevel har ho mykje folkedraktpreg i stoff og dekor.

Mål:

• Lengde midt bak: 42                                             

• Ryggbreidde (liv): 32 cm

• Ermelengde: 58 cm

• Skulderbreidde: 12,5 cm

Stor og liten beslekta bringeklut med perlenett

Staseleg bringeklut med lite perlenett av okergule, kvite og grøne perler, montert på raudt ullstoff. Motivet er ruter på kant inni kvarandre. Brei gullknipling med fire vifter er montert øvst på det raude stoffet og delvis over ein kvarde av fløyelsband med rosemønster. Smale band med sikksakkmønster ved sida av kvarden. Eit stripete kypertvove band øvst på baksida. Gule sidefelt i linstoff. Alt er montert rett på eit baksidestoff av ubleika linstoff i lerretsbinding. Smal fald på båe sider av bakstykket, jare nedst, og alt er sydd for hand.

Mål:

Breidde gullknipling: 4 cm

Breidde og høgde perlenett: 10 cm

Breidde raudt felt: 17,5 cm

Breidde gule sidefelt: 3,8 cm (4,2 cm nedst)

Total breidde: 28 cm

Total høgde: 23 cm

Liten bringeklut med perlenett av gule, kvite og grøne perler, montert på raudt stoff, truleg peau de pêche. Motivet er eit lite Ave Verum-monogram. Brei kvarde av mønstra silke, kan henda gjenbruk av eit sjal? Smal grøn kant av fløyel bak kvarden. Gule felt i tynt linstoff i lerretsbinding. Alt er montert på eit dobbelt baksidestoff av ubleika bomullslerret, med smale faldar på baksida.

Frå Gjersheim på Hamarhaug, som høyrde til Tysnes kommune fram til 1907. Jamfør likskapen med den store bringekluten som er frå Nedrevåge på Onarheim, ikkje lange sjøvegen frå Hamarhaug. Kan henda er det same person som har laga båe bringeklutane?

Mål:

Breidde silkekvarde: 4,2 cm

Breidde perlenett: 9 cm

Høgde perlenett: 6,5 cm

Breidde raudt felt: 11 cm

Breidde gule sidefelt: 2 cm

Total breidde: 20–21 cm

Total høgde: 14 cm