Overliv i raudt ullstoff/vadmål, med tilbaketrekte sidesaumar og kanta med svarte fløyelsband med rosemønster i orange, grønt og blått, metall sikksakk-band innanfor. Under armane og framme nede er det berre svart fløyel, dette var vanleg. Blårutete kant og kvit linvalk nede. Fôr av kvitt lin- eller bomullsslerret. Merke etter 4 hekter/maljer i livet. Dette verkar som eit liv i overgang: Valken er blitt mindre og den er blitt sydd litt opp på det raude stoffet. Sidesaumane er trekt bakover, som tok til å bli vanleg frå 1870-åra. Ryggbreidde er 36 cm, men berre 10 cm i livet. Rygghøgde 34 cm.
