Bringekluten har eit felt på 10,5 x 14,5 cm av tettsauma korsstyng, truleg på stramei. Det er brodert med ullgarn i fargane raudt, grønt, kvitt og orange/oker, botnen er fylt ut med blå/lilla garn. Motiv er åttebladsstjerner, romber og Andreaskors som grip i kvarandre. Raudt felt av ullstoff øvst (4,5 x 14,5) med to cm gullknipling i same lengde. Rutete sidefelt i ullflanell i brunt med litt lilla, liknande stoff kan ei finna på andre bringeklutar. Bakstykkestoff av blå- og kvitstripete .bomullsstoff, ein kant av dette viser også framme på bringekluten. Alt er montert for hand. Ytre mål er breidde 25 og høgde 24 cm.
Ingen kommentarer:
Legg inn en kommentar