Flott, påkosta bringklut av eldre type, truleg brukt til kort overliv rundt 1850, eller før. Svart fløyel øvst, ein gullknipling med fem vifter er montert på fløyelen. Perlenett med rombemønster måler 11,5 x 18 cm. Det er brukt perler i fargane kvitt, oker, blått, grønt, samt litt raude, svarte og lyse/rosa perler. Dette er fleire fargar enn ein vanlegvis finn i perlenett. Perlenettet er montert på raudt ullstoff som igjen er montert med leggsaum rett på eit brunt, kypertvove bomullsstoff med små kastesting over ein gul og grøn tråd. Dette er ein symåte som går langt tilbake i tid. Det brune baksidestoffet er falda for hand.
Ingen kommentarer:
Legg inn en kommentar